Í síðustu útgáfu Fiskeldisfrétta er fjallað um Strandbúnað. Hugmyndin er að skapa vettvang allra þeirra sem koma að strandbúnaði á Íslandi. Innan þessa hóps eru þeir sem starfa við þörungarækt, skeldýrarækt, seiðaeldi, matfiskeldi, sölu og markaðssetningu, fóðurframleiðendur, tækjaframleiðendur og aðrir þjónustuaðilar, rannsóknastofnanir, menntastofnanir, ráðuneyti og stofnanir þeirra. Það hefur verið vöntun á vettvangi fyrir alla þá er tengjast strandbúnaði. Vöntun á hlutlausum vettvangi þar sem fólki gefst tækifæri á að hittast og mynda tengsl. Samstarfsvettvangurinn er ekki hagsmunasamtök einstakra hópa og vinnur ekki að hagsmunagæslu. Vettvangurinn mun m.a. haldaárlega ráðstefnu og þar verður Sjávarútvegsráðstefnan höfð til fyrirmyndar.